Paniku për bombë te hoteli në qendër të Tiranës, polica: Alarm fals për eksploziv

Duket se ka rezultuar fals alarmi për bombë tek një hotel në qendër të Tiranës pasditen e kësaj të premte.

Punonjësja e hotelit alarmoi forcat e rendit pasi i njoftoi se dikush i kishte thënë se ishte vendosur eksploziv në parking.

Menjëherë policia evakuoi klientët ndërsa në vendin e ngjarjes mbërritën forcat xheniere.

Sipas burimeve nga vendi i ngjarjes dhe njoftimit të Policisë së Shtetit, pas kontrollit dhe veprimeve të forcave xheniere, nuk është konstatuar asnjë mjet shpërthyes apo gjë e paligjshme.

“Në vijim të paralajmërimit paraprak për një telefonatë që raportonte vendosjen e një sasie eksplozivi në parkimin e hotelit në rrugën “Abdi Toptani”, Policia e Shtetit njofton se gjatë kontrollit të kryer në bashkëpunim me forcat xheniere nuk është konstatuar asgjë e jashtëligjshme”, thuhet në njoftimin e policisë.

Qarkullimi në zonë i është rikthyer normalitetit.

LEXONI GJITHASHTU:

• Evakuohen klientët e hotelit në Tiranë, policia njoftim zyrtar për alarmin për bombë
• Alarm për bombë në parkingun e një hoteli në Tiranë, policia rrethon zonën