“S’jemi ushtarë të dalë nga rreshti” Kalaja: Pati krim zgjedhor, SPAK të vijë te unë

Kandidati për deputet i PD-ASHM, Aulon Kalaja ishte këtë të hënë në “Now me Erla Mëhillin” në Euronews Albania ku tha se ai do kërkojë deri në fund rihapjen e kutive dhe rivlerësimit të votave, pasi sipas tij manipulimin gjatë procesit të numërimit, nuk e ka parë vetëm ai.

I pyetur nëse betejën e tij do e çoj edhe në SPAK, Kalaja u përgjigj:

“Unë jam një nga ata njerëz që nuk vendos partinë para Shqipërisë, Shqipëria vjen e para. A do shkoj unë në SPAK? Në fakt duhet të vij SPAK te unë. Unë e bëra thirrjen edhe për Partinë Socialiste, aty ka burra e gra serioze, që kanë parë krim zgjedhor aty.

Nuk jemi vetëm ne ushtarët që kanë dalë nga rreshti. Unë gjykoj që vetë SPAK duhet të merret me këtë punë. A do i shkoj unë kësaj beteje deri në fund? Po, patjetër, unë i jam futur kësaj rruge”.

LEXONI GJITHASHTU:

• “Pritjani dorën edhe partisë tuaj”, Kikia krahë Hoxhës dhe Kalasë: Kam parë prova…
• Kandidati i djathtë: Po u hap qarku i Tiranës, ndryshon renditja e deputetëve të PD