I dënuar për vrasjen e gruas në Itali, 31-vjeçari shqiptar gjendet i pajetë në burg

Lulzim Toci, 31 vjeçari shqiptar i burgosur në Santa Maria Capua Vetere, i dha fund jetës ndërsa vuante dënimin për vrasjen e gruas së tij, Eleonora Toci, 24 vjeçe, të cilën e mbyti në shtëpinë e tyre në San Felice a Cancello para syve të fëmijëve.

Sipas mediave italiane thuhet se ai vrau veten këtë të mërkurë më 11 qershor teksa ndodhej në njësinë psikiatrike të burgut, ndërsa vuante nga skizofrenia akute.

Sëmundja e tij ishte konfirmuar pas rezultateve të ekzaminimit mjekësor në burg, të urdhëruar nga gjyqtari hetues Pasquale D’Angelo i gjykatës së Santa Maria Capua Vetere.

Vrasja e gruas së tij daton më 9 tetor të vitit 2024. Atë natë, i riu shqiptar ishte shfaqur në shtëpinë e vëllait të tij, i cili jeton aty pranë dhe kishte kërkuar të çohej në spital. Kunata, duke mos e parë Eleanorën me të, e kishte telefonuar.

Djali 6-vjeçar i ishte përgjigjur video-thirrjes dhe kishte treguar trupin tezes së tij. Gruaja më pas kishte njoftuar policinë, e cila e kishte ndaluar 31-vjeçarin para shtëpisë.

Katër versione të vrasjes

Gjatë seancës paraprake, Lulzim Toci pranoi se kishte vrarë gruan, por nuk mundi të japë arsyet.

Më vonë, gjatë seancës dëgjimore për vërtetimin e fajit, ai u paraqit i hutuar dhe dha versione të ndryshme.

Fillimisht, tha se grindja kishte lindur sepse gruaja e tij e kishte penguar të dilte nga shtëpia natën vonë.

Më pas foli në mënyrë të ngatërruar për një gjarpër, duke lënë të kuptohet se mund të kishte pasur halucinacione.

LEXONI GJITHASHTU:

• “Babi vrau mamin”- Si shqiptari mbyti gruan në Itali, telefonata që zbuloi krimin
• Detaje të reja nga atentati në Shkodër, si u rikthye hakmarrja që tronditi qytetin