Festohet Bajrami në Maqedoninë e Veriut, respektohen masat anti-COVID gjatë faljes së namazit

Korrespondenti i Euronews Albania në Maqedoninë e Veriut, Benjamin Arifi tha se falja e Namazit të Bajramit është kryer brenda xhamive nga besimtarët mysliman ndërkohë që ceremonia qendrore është bërë në xhaminë “Mustafa Pasha” ose siç njihet në Shkup “Xhamia e Kalasë”.

“Kryetari i bashkësisë fetare islame në Maqedoninë e Veriut tha se kjo festë shënon sakrificën e personave që agjëruan gjatë muajit të Ramazanit ndërkohë që bëri thirrje që gjatë festimeve të respektohen masat anti-COVID,” – raportoi Arifi.

Sa i takon respektimit të masave anti-COVID, çdo protokoll sigurie u respektua dhe të gjithë besimtarët ruajtën distancën gjatë faljes së Bajramit dhe mbajtën maskën.

Ndërkohë korrespondenti i Euronews Albania bëri me dije gjithashtu se në këtë ditë është hequr ora policore.

“Tashmë prej dy javësh edhe shifrat janë në rënie në Maqedoninë e Veriut, kështu që gjithë institucionet bëjnë thirrje që të kemi vëmendje edhe këto ditët e fundit, që të minimizojmë shancet për përhapjen e COVID-19,” – tha Arifi.

LEXONI GJITHASHTU:

• Besimtarët myslimanë kremtojnë Fitër Bajramin në Kosovë, mesazhe për tolerancë e solidaritet
• Kreu i komunitetit mysliman uron Bajramin
• Incident pas faljes së Fitër Bajramit, një person tenton të vetëdigjet me benzinë në “Sheshin Skënderbej”