Radhë të gjata në Qafë-Botë, pala greke punon vetëm me një sportel

Edhe pse këtë të dielë është vënë re një rënie e lehtë e numrit të qytetarëve që presin në pikën kufitare të Qafë-Botës, situata mbetet problematike.

Paraditen e sotme, në këtë pikë kufitare kaluan 1,436 shtetas shqiptarë dhe të huaj, si dhe 460 mjete.

Pala greke vijon të operojë vetëm me një sportel, ndërsa pala shqiptare ka tre sportele në funksion.

Shkaku i pritjeve të gjata vazhdon të jetë organizimi i punës në doganën greke, ku operohet vetëm me një sens qarkullimi, duke lejuar në të njëjtën kohë hyrje dhe dalje, çka shkakton bllokime dhe vonesa në të dy anët e kufirit.

Sipas burimeve zyrtare, në fillim të javës pritet zëvendësimi i personelit në doganën greke dhe marrja e masave për përmirësimin e qarkullimit në pikën kufitare të Mavromatit.

Ndërkohë, pritet që fluksi i lëvizjes të rritet në ditët në vijim për shkak të kulminacionit të sezonit veror.

Edhe sot radhë në pikën kufitare të Qafë-Botës, situata ende problematike! Pala greke punon vetëm me një sportel

Edhe pse sot krahasuar me ditë më parë vihet re një rënie e lehtë e numrit të qytetarëve që presin në radhë në pikën kufitare të Qafë-Botës, situata ende problematike pic.twitter.com/g9IaoJUKwl

— Euronews Albania (@EuronewsAlbania) July 20, 2025

LEXONI GJITHASHTU:

• Muri që po prishte e zë poshtë, humb jetën 51-vjeçari në Kutalli
• Tentoi të fuste pije kontrabandë, arrestohet 42-vjeçari në portin e Durrësit