Arrestohet 31-vjeçari i dyshuar për shpërndarje droge, çfarë i sekuestroi policia

Një 31-vjeçar është arrestuar në Kuçovë, pasi dyshohet se shiste doza kanabisi në qytet.

Në njoftimin e policisë thuhet se në automjetin dhe në banesën e tij u sekuestruan sasi (në trajtë boçeje) dhe doza Cannabisi, 5 peshore elektronike, 175,000 lekë, 1,060 euro dhe shuma të tjera në valuta, të dyshuara si fitime nga veprimtaria kriminale.

Operacioni i koduar “Qyteti” u finalizua pas disa javësh hetimesh, ndërsa në pranga ra shtetasi E. M., 31 vjeç, banues në Kuçovë.

Nga hetimet dyshohet se 31-vjecari siguronte sasi kanabisi dhe i ndante në doza për t’i shitur në zona të ndryshme të Kuçovës.

Materialet procedurale iu referuan Prokurorisë së Beratit për veprime të mëtejshme.

LEXONI GJITHASHTU:

• EMRI/ I kërkuar nga SPAK për kontrabandë mallrash, kapet në Rinas 57 vjeçari
• I kërkuar nga Interpol Roma, kapet në Shijak 39-vjeçari i dënuar me 7 vite burgim