Detajet nga aksidenti tragjik në Borsh, identifikohen viktimat, i dëmtuari te Trauma

Dy të plagosurit nga aksidenti i ndodhur sot në Borsh janë transportuar në urgjencën e spitalit të Sarandës.

Myfit Qejvani, drejtuesi i mjetit, ndodhet në gjendje të rëndë. Sipas mjekëve, ai ka pësuar një frakturë të hapur në këmbën e djathtë, ka hemorragji dhe dëmtime të tjera trupore. Për shkak të gjendjes së tij, pritet të transportohet me helikopter drejt Spitalit të Traumës në Tiranë.

Petrit Kapllanaj, pasagjer në automjetin me Qejvanin, ka pësuar vetëm dëmtime të lehta dhe ndodhet jashtë rrezikut për jetën. Ai po trajtohet në spitalin e Sarandës.

Dyshohet se aksidenti ka ndodhur si pasojë e shpejtësisë së lartë nga ana e drejtuesit të mjetit, Myfit Qejvani.

Për fat të keq, dy persona kanë humbur jetën në këtë aksidentm Kastriot Mehmeti dhe bashkëshortja e tij, Donika Mehmeti Proda. Trupat e tyre u nxorën me vështirësi nga mjeti tip furgon.

Kastriot Mehmeti, 60 vjeç, ushtronte aktivitetin e shitjes së peshkut në restorante të Sarandës dhe më gjerë, ndërsa bashkëshortja e tij, infermiere në spitalin e Sarandës, e shoqëronte në punë.

LEXONI GJITHASHTU: 

• Aksident tragjik në Borsh, dy viktima dhe dy të plagosur

• Sa llogaritet dëmi i shkaktuar nga zjarret në Shqipëri