Zjarr në hyrje të Orikumit, ndërhyrja e zjarrfikësve shmang përhapjen drejt banesave

Një zjarr i përmasave të mëdha ka rënë pasditen e sotme në hyrje të Orikumit, duke përfshirë një sipërfaqe të gjerë me bimësi të thatë. Flakët janë përhapur me shpejtësi për shkak të erës së fortë, duke krijuar një situatë problematike për zonën.

Falë ndërhyrjes së shpejtë të forcave zjarrfikëse të Vlorës, flakët janë vendosur në kontroll dhe është shmangur rreziku për banesat përreth.

Aktualisht, zjarrfikësit vijojnë punën për shuarjen e plotë të vatrës dhe për të parandaluar riaktivizimin e zjarrit. Shkaqet e rënies së zjarrit mbeten ende të paqarta, por dyshohet se ka nisur nga një sipërfaqe bari e thatë.

LEXONI GJITHASHTU:

• Dëmet e shkaktuara nga zjarret, qeveria gati paketën mbështetëse
• 2.500 zjarrfikës kundër flakëve në Portugali, mijëra të evakuuar