Ilir Meta thirret në SPAK, pritet t’i komunikohet mbyllja e hetimeve

SPAK pritet t’i komunikojë përfundimin e hetimeve ish-presidentit Ilir Meta këtë të hënë.

Meta pritet të paraqitet në Prokurorinë e Posaçme Antikorrupsion në orën 11:00, ku do të shoqërohet nga ambientet e paraburgimit drejt godinës së SPAK në prani të avokatit të tij mbrojtës, Kujtim Cakrani.

Ilir Meta pritet të firmosë dhe do të njihet zyrtarisht me mbylljen e hetimeve.

Presidenti i Partisë së Lirisë, Ilir Meta, ndodhet në paraburgimin e burgut 313 që prej datës 21 tetor të vitit të kaluar.

Po e njëjta procedurë u ndoq edhe për ish-bashkëshorten e tij, Monika Kryemadhi, si dhe për dy bashkëpunëtorët e çiftit, Ema Çoku dhe Piro Xhixho.

Këtij të fundit, SPAK i komunikoi akuzën “korrupsion pasiv”, ndërsa Ema Çokut “pastrim parash”.

LEXONI GJITHASHTU:

• Metës i komunikohet mbyllja e hetimeve, avokati: Do të shkojmë në gjykim normal