Zjarrfikësit dhe ushtria izolojnë flakët në Skërficë, vijon monitorimi i zonës

Vatrat e zjarrit që përfshinë gjatë ditëve të fundit kullotat dhe pyjet në Malin e Skërficës tashmë konsiderohen të shuara.

Sipas Shërbimit Zjarrfikës në Gjirokastër, zjarri në zonën e Skërficës është izoluar plotësisht, falë ndërhyrjes së koordinuar të forcave zjarrfikëse dhe të ushtrisë.

Gjatë gjithë orëve të vona të ditës së hënë, efektivët zjarrfikës dhe trupat e ushtrisë ishin të angazhuar në terren për të ndërhyrë në thellësi të zonës së djegur, ku ndodheshin ende trungje të mëdhenj që përbënin rrezik për riaktivizimin e flakëve.

Megjithë izolimin e zjarreve, vijon monitorimi i zonës së Pikësit me qëllim parandalimin e çdo dëmtimi të mëtejshëm të masivit pyjor.

LEXONI GJITHASHTU:

• Bariu gjendet i plagosur me çifte në stanet e Bolenës, çfarë dyshohet
• Gjendet i vrarë me armë zjarri 65-vjeçari në Vaun e Dejës, detajet e para