AMA bashkëpunim me “X”, Krasniqi: Një mjedis i pastër digjital është prioriteti ynë

Autoriteti i Mediave Audiovizive ka vendosur një rekord të ri bashkëpunimi me një nga platformat e mëdha online.

Kryetarja e AMA-s, Armela Krasniqi ka njoftuar sot se është lidhur një urë bashkëpunimi me platformën X, për të mbikëqyrur dhe ndjekur me prioritet çdo përmbajtje potenacialisht të dëmshme në gjuhën shqipe, që shpërndahet në këtë platformë.

Ky bashkëpunim parashikon një kanal të dedikuar për AMA-n në Platformën X, nëpërmjet të cilit do të komunikohet për çdo përmbajtje të dëmshme ku shfaqet apo nxitet dhunë e çdo lloji, me gjuhë urrejtje, përmbajtje që shkelin të drejtat e fëmijëve dhe komuniteteve, liritë dhe të drejtat themelore të njeriut etj.

“Një mjedis i pastër digjital, pa dhunë e urrejtje dhe mbrojtja e të drejtave të fëmijëve apo komuniteteve është prioritet për ne, ka shkruar Krasniqi, ndërsa ka shprehur falenderimet për këtë bashkëpunim të gjetur me X.

LEXONI GJITHASHTU:

• Analiza/ Mbyllja e mediave që mbulojnë Ballkanin Perëndimor dhe pasojat
• Linda Yaccarino largohet nga posti i shefes së mediave sociale të Musk