Mbërrijnë në gjykatën e Korçës të arrestuarit për vrasjen e 14-vjeçarit Erald Xhejo

Në një ditë me tension të lartë, kanë mbërritur në Gjykatën e Korçës të arrestuarit për vrasjen tragjike të 14-vjeçarit Erald Xhejo. Pjesëmarrësit në procesin e masës së sigurisë janë Enedio Zguri, autor i dyshuar i ngjarjes, babai dhe xhaxhai i tij, si dhe pesë të rinjtë të tjerë të akuzuar për fshehjen e ngjarjes dhe pengimin e hetimeve.

Enedio Zguri, i cili është arrestuar si autor i dyshuar për vrasjen e 14-vjeçarit, do të njihet me masën e sigurisë gjatë seancës së sotme. Përveç tij, babai dhe xhaxhai i tij po akuzohen për rolin që kanë pas ngjarjes, ku njëri dyshohet se ka tentuar të fshehë djalin dhe tjetri përpjekjet për të fshehur armën e krimit.

Gjithashtu, pesë të rinjtë të cilët janë akuzuar për tentativë të fshehjes së ngjarjes, do të përballen me masa sigurie, pasi kanë refuzuar të flasin në momentet e para të marrjes në pyetje nga oficerët e policisë gjyqësore.

Policia ka rrethuar gjykatën e Korçës për të garantuar rendin dhe sigurinë, për shkak të pranisë së lartë të familjarëve të viktimës, të cilët janë të pranishëm për të kërkuar drejtësi për Erald Xhejon.

Mbërrijnë në gjykatën e Korçës të arrestuarit për vrasjen e 14-vjeçarit Erald Xhejo pic.twitter.com/LUpHUdv8VF

— Euronews Albania (@EuronewsAlbania) August 17, 2025

LEXONI GJITHASHTU:

• Vrasja e 14-vjeçarit në Maliq, çfarë masash vendosi Gjykata për 8 të arrestuarit
• Shkoi për t’u sqaruar, detaje nga vrasja me thikë e 14-vjeçarit në Maliq