E ngarkuara me punë e SHBA në Tiranë zhvillon takim në Kryeministri

E ngarkuara me punë e Shteteve të Bashkuara në Tiranë, Nancy VanHorn, zhvilloi mëngjesin e kësaj të premteje një takim në Kryeministri. Diplomatja amerikane qëndroi rreth 20 minuta në godinën e qeverisë, ndërkohë që nuk ka ende një reagim zyrtar mbi arsyet e vizitës apo detaje nga bisedimet e saj.

Takimi i VanHorn me kryeministrin vjen në një moment të ngarkuar politik dhe institucional. Kryeministri Edi Rama pritet që më 11 shtator në mbledhjen e Asamblesë së Partisë Socialiste të publikojë emrat e kabinetit të ri qeveritar, duke i dhënë fund dilemave mbi përbërjen e skuadrës së mandatit të katërt. Gjatë kësaj jave, kreu i qeverisë ka zhvilluar një sërë takimesh me ministrat aktualë, në kuadër të ristrukturimit që pritet të ndodhë.

Nga ana tjetër, edhe kalendari parlamentar është në pritje. Presidenti Bajram Begaj do të duhet të dekretojë datën e seancës së parë të parlamentit të ri, i cili sipas Kushtetutës duhet të mblidhet brenda 10 ditëve nga dita e parë e mundshme. Kjo nënkupton se 10 shtatori është data më e hershme për konstituimin e parlamentit, ndërsa afati i fundit është 20 shtatori.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Pas pushimeve në Dhërmi, Rama rikthehet në zyrë: pritet Asambleja e PS dhe “qeveria”
• Lëvizje në Kryeministri në prag të formimit të qeverisë së re: Takimet e Ramës