Nis faza e dytë e rregjistrimit në universitete, 48 orë në dizpozicion

Ka nisur diten e diel faza e dytë e regjistrimeve për maturantët fitues në universitetet publike dhe private për vitin akademik 2025–2026.Kjo është faza e dytë e raundit të parë të regjistrimeve dhe do të zgjasë vetëm 48 orë, njësoj si faza e parë që u zhvillua më 29 dhe 30 gusht.

Çdo maturant i shpallur fitues ka në dispozicion dy ditë për t’u regjistruar në degën ku ka fituar. Në rast se nuk e kryen regjistrimin brenda afatit, vendi i tij kalon automatikisht te një kandidat tjetër në listën e pritjes.

Pas përfundimit të të gjitha fazave, do të hapet edhe një periudhë çregjistrimi, e cila u jep mundësi maturantëve që duan të ndryshojnë degë, të rikthehen në garë për raundin e dytë.

Sipas të dhënave nga Rrjeti Akademik Shqiptar, këtë vit më të preferuarat janë degët e teknologjisë dhe inxhinierisë, të ndjekura nga mjekësia.Ndërkohë, programet e mësuesisë mbeten më pak të preferuarat, me një përqindje aplikimi që nuk e kalon 7.5%, në të njëjtat ritme me vitet e mëparshme.

Të dhënat tregojnë gjithashtu një rritje të interesit për degët profesionale.Në total, mbi 20.000 maturantë kanë aplikuar për studime në universitetet publike dhe private, çka përbën një rritje prej 500 aplikimesh më shumë krahasuar me një vit më parë.