“Lidershipi” i Kissinger vjen në shqip, Rama: Privilegj që shkrova parathënien

Libri “Lidershipi” nga diplomati i njohur Henry Kissinger është prezantuar të martën në gjuhën shqipe në një ceremoni të mbajtur në Tiranë.

Parathënia e librit të Kissinger është shkruar nga kryeministri Edi Rama, i cili është i pranishëm në prezantimin e librit në ambientet e Kryeministrisë.

Në fjalën e tij, Rama tha se “ky është një libër i jashtëzakonshëm i një autori të jashtëzakonshëm”.

“Nuk besoj se ka një libër më të përshtatshëm për Qendrën për Hapje dhe Dialog ku janë bërë shumë prezantime librash”, tha Rama.

“Parathënia e këtij libri ka qenë një nga ushtrimet më të vështira për mua  në sensin e përgjegjësisë, sepse të fusësh fjalët e tua në një libër ku janë fjalët e një njeriu të jashtëzakonshëm për shumë gjëra, por edhe nga aftësia e të shkruarit nuk është diçka e lehtë…Në këtë libër mund të admirohet gjenialiteti i një prej mendjeve më të mprehta të politikës botërore mbi artin e udhëheqjes, me të cilin pata privilegjin e një bisede të paharrueshme rreth punëve të botës. Privilegj i veçantë ishte po ashtu, që në përgjigje të ftesës së shtëpisë botuese “MediaUnion”, të shkruaja parathënien e këtij libri fenomenal”,  tha Rama.

Libri “Lidershipi”, i Henry Kissinger vjen në shqip përmes një botimi të veçantë, ku përmes gjashtë rrëfimesh spektakolare mbi gjashtë udhëheqës botërorë.

LEXONI GJITHASHTU:

• Rama: Samiti i NATO-s në Shqipëri në 2027, sfidë e cila rimbledh udhëheqësit e BE-së
• Me valle dhe daulle, Rama inauguron rrugën Qukës-Qafë Plloçë