Operacion i SPAK në Tiranë, caktohet masë sigurie ndaj avokatit Besart Logu
Avokati Besart Logu është vendosur nën masën e sigurisë “arrest në shtëpi” pas një operacioni të ndërmarrë nga Prokuroria e Posaçme Kundër Korrupsionit dhe Krimit të Organizuar (SPAK).
Sipas burimeve, oficerët po kryejnë kontrolle në zyrën e avokatit si dhe në ambiente të tjera të lidhura me të.
Operacioni është ende në vijim, ndërkohë që burime nga grupi hetimor bëjnë me dije se avokati dyshohet për korrupsion dhe ushtrim ndikimi të paligjshëm, në kuadër të një hetimi të mëparshëm të nisur nga SPAK.
Hetim po kryhet nga prokurorja Doloreza Musabelliu ndërsa dyshohet se avokati Besart Logu ka marrë 8 mijë euro për të ndikuar te prokurorë dhe gjyqtarë në Tiranë, me qëllim lehtësimin e masës së sigurisë për një person të akuzuar për mashtrim me TVSH-në.
Hetimi është ndjekur me metoda speciale, ndërsa paratë që do jepeshin janë regjistruar me numër serie.
Çështja fillimisht ishte regjistruar në Prokurorinë e Gjirokastrës, por më pas u transferua në atë të Tiranës.
Më pas kanë vijuar hetimet për të zbuluar te cili funksionar drejtësie do të ndërhynte avokati, ndërsa vijojnë hetimet nëse ka persona të tjerë që mund të akuzohen për këtë rast.
LEXONI GJITHASHTU:
Plumba mbi policinë, vritet efektivi në krye të detyrës, plagoset kolegu i tij
“Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë
Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 13:36 Prishtina solidarizohet me Tiranën, protestë kundër investimit në Zvërnec
- 13:34 Samiti BE-Ballkani Perëndimor më 5 qershor, zbardhen pikat kryesore të agjendës
- 13:30 Plumba mbi policinë, vritet efektivi në krye të detyrës, plagoset kolegu i tij
- 13:28 Bordi i Transparencës publikon çmimet e reja të karburanteve, sa do shitet nafta dhe benzina
- 13:22 Presidenti finlandez propozon një BE me 40 anëtarë, përfshirë Kanadanë
- 13:09 Kosta me Vuçiç: Dialogu Kosovë-Serbi dhe marrëveshja e Ohrit, jetike për sigurinë e rajonit