Detaje nga dorëheqja e Dredhës/ Gazetari: Mund të jetë në qeverinë e re

Pas konfirmimit të lajmit të mbrëmjes së kësaj të mërkure për dorëheqjen e kryebashkiakut të Vlorës, Ermal Dredha, gazetari i Euronews Albania, Algert Harrizi, ka dhënë detaje lidhur me këtë zhvillim.

Në një lidhje me emisionin e mbrëmjes “Now” me moderatore Erla Mëhilli, Harrizi tha se dorëheqja ka mundësi të jetë dhënë edhe në kuadër të prezantimit të nesërm të qeverisë, ku sipas informacioneve jo zyrtare mund të ketë një emërim të mundshëm të Dredhës. Nga ana tjetër, ai shton se është emëruar edhe një nënkryetar i ri përveç dy të aktualëve, duke konfirmuar emërimin e Elis Halilit në këtë post.

“Siç e thatë dhe ju, nga burimet është konfirmuar dorëheqja e kryetarit të bashkisë. Nuk është zyrtarizuar kjo dorëheqje me letra, por pritet nesër. Pranë zyrtarëve të Bashkisë Vlorë është konfirmuar ky lajm. Sot është bërë edhe emërimi i një nënkryetari të ri përveç dy nënkryetarëve aktualë. Elis Halili është nënkryetari i ri i bashkisë, i emëruar këtë pasdite. Flitet në korridoret e Bashkisë Vlorë që mund të ketë diçka në lidhje edhe me prezantimin e nesërm të qeverisë,” – tha Harrizi.

LEXONI GJITHASHTU:

• Jam më i motivuar pas kritikave të RamësDredha: Aspak i fyer, aksioni vazhdon
• Jep dorëheqjen kryebashkiaku i Vlorës, Ermal Dredha