Presidenti Begaj dekreton 16 ministrat e qeverisë Rama 4

Pas emërimit të Kryeministrit, me dekretin e ditës së premte, Presidenti i Republikës, Bajram Begaj, me propozim të Kryeministrit ka dekretuar emrat e 16 ministrave të kabinetit të ri “Rama 4”.

Dekretet janë përcjellë Kuvendit, ku qeveria pritet të marrë votëbesimin ndërsa më pas, kabineti i ri do të duhet të betohet mbi Kushtetutë në Institucionin e Presidentit.

Procedura për emërimin e Qeverisë së Re do të përmbyllet në përputhje me Kushtetutën në ditët në vijim, me betimin e Kryeministrit dhe të ministrave, pasi Kuvendi të miratojë programin dhe përbërjen e Qeverisë.

Presidenti Begaj dekretoi:

1. Zonjën Belinda Balluku Zëvendëskryeministër dhe Ministër i Infrastrukturës dhe Energjisë;
2. Zonjën Albana KoçiuMinistër i Punëve të Brendshme;
3. Zonjën Elisa Spiropali Ministër për Evropën dhe Punët e Jashtme;
4. Zotin Petrit MalajMinistër i Financave;
5. Zotin Blendi Gonxhja Ministër i Turizmit, Kulturës dhe Sportit;
6. Zotin Sofjan Jaupaj Ministër i Mjedisit;
7. Zonjën Mirela Kumbaro Furxhi Ministër i Arsimit;
8. Zonjën Evis Sala Ministër i Shëndetësisë dhe Mirëqenies Sociale
9. Zonjën Delina Ibrahimaj Ministër i Ekonomisë dhe Inovacionit;
10. Zotin Besfort Lamallari Ministër i Drejtësisë;
11. Zotin Pirro Vengu Ministër i Mbrojtjes;
12. Zotin Andis Salla Ministër i Bujqësisë dhe Zhvillimit Rural;
13. Zotin Ervin Demo Ministër i Shtetit për Pushtetin Vendor;
14. ZonjënMajlinda Dhuka Ministër Shteti dhe Kryenegociator;
15. Zonjën Adea Pirdeni Ministër i Shtetit për Administratën Publike dhe  Antikorrupsionin;
16. Zotin Toni Gogu Ministër i Shtetit për Marrëdhëniet me Parlamentin.

Ministrja virtuale “Diella” nuk është përfshirë në dekretin e ministrave të rinj. Kjo pasi, më 12 shtator, kur Presidenti Bajram Begaj dekretoi Edi Ramën si Kryeministër, në nenin 2 të dekretit të firmosur thuhej se: “Kryeministri ushtron dhe përgjegjësinë për ngritjen dhe funksionimin e ministrit të Inteligjencës Artificiale ‘Diella’.”

LEXONI GJITHASHTU:

• Peleshi thërret dy seanca plenare të martën, çfarë pritet të ndodhë në Parlament
• Begaj dekreton Ramën si kryeministër, përfshihet edhe neni për ministren virtuale