Transformohet zona e makinave të braktisura, Rama: Shkodra do të ketë një park të ri

Kryeministri Edi Rama ka njoftuar përmes një statusi në Facebook se në Shkodër do të krijohet një park i ri, i quajtur “Dua të luaj”, ku do të ofrohen mundësi argëtimi dhe rekreacioni për të gjitha moshat, veçanërisht për fëmijët.

Kryeministri shkruan se zona ku do të ndërtohet ky park ka qenë për 30 vite me radhë një parkim i madh makinash të mbetura si “prova” nga proceset gjyqësore.

Rama thekson se me ndërtimin e këtij parku, Shkodra do të fitojë një hapësirë të re publike, ndërsa shton se ky projekt vjen si rezultat i bashkëpunimit mes Agjencisë së Administrimit të Pasurive të Sekuestruara dhe të Konfiskuara, Bashkisë Shkodër dhe Fondit Shqiptar të Zhvillimit.

Postimi i plotë i kryeministrit Rama

“Aty ku për 30 vite ishte një parkim i madh ndotjeje makinash të mbetura si “prova” nga proceset gjyqësore, sot Shkodra po fiton një hapësirë të re jete, me parkun “Dua të luaj”, një vend për fëmijët e familjet me mundësira argëtimi e rekreacioni për të gjitha moshat

Kjo risi e bukur për Shkodrën vjen si rezultat i bashkëpunimit mes Agjencisë së Administrimit të Pasurive të Sekuestruara dhe të Konfiskuara, Bashkisë Shkodër dhe Fondit Shqiptar të Zhvillimit”, shkruan Rama.

LEXONI GJITHASHTU:

• “Ndodhi në oborrin e pallatit tim”, aktorja Rita Gjeka flet për atentatin në Shkodër
• Masakra me 2 të vrarë dhe 2 të plagosur në Shkodër, merret në pyetje Mustafa Lici