Liverpool perfekt në kampionat, merr fitoren e pestë në po aq ndeshje

Kampionët e Anglisë po kalojnë një formë të jashtëzakonshme ku numërojnë 15 pikë në 5 ndeshje të luajtura në Premier League, duke konfirmuar veten si një kandidaturë e fortë në garën për titull.

Të shtunën ishte radha e derbit me Evertonin aty ku të kuqtë morën 3 pikët e radhës, në një duel që në fraksionin e dytë u bë edhe më I luftuar. Në “Anfield” vendësit gjetën shpejt avantazhin me Gravenberch, ndërsa dyfishoi Ekitike.

NË pjesën e dytë reagoi ekipi mik që ngushtoi diferencën me Gueye, por pa mundur të marrë pikë nga kjo transfertë e vështirë. 2-1 dhe Liverpool merr fitoren e radhës. Manchester United mori fitoren e dytë në kampionat, ndërsa mposhti një kundërshtar të vështirë si Chelsea në një përballje tejet të luftuar ku u dhanë dhe dy kartona të kuq për portierin Sanchez të bluve dhe mesfushorin Casemiro.

Gardiani I bluve u ndëshkua I pari që në minutën e pestë, por djajtë e gjetën avantazhin me Fernandes në minutën e 14’, teksa ishte mesfushori Casemiro ai që dyfishoi Brenda pjesës së parë.

Blutë reaguan me vonesë me Chalobah, e goli I tij vlen vetëm për statistikë, pasi Chelsea humbet kështu për herë të parë në këto 5 javë garë. Sa I përket sfidave të tjera fitore regjistruan dhe Crystal Palace, Leeds e Fulham. Brighton-Tottenham dhe Burnley-Bottingham u mbyllën pa fitues.

LEXONI GJITHASHTU:

• Liverpool vendos rekord në Premier League, 3.5 miliardë euro në merkaton e verës
• VIDEO/ Juventus siguron Zhegrovën, Isak transferohet te Liverpool