Zelensky: Ukraina nuk do t’i njohë kurrë territoret e pushtuara si ruse

Presidenti ukrainas Volodymyr Zelensky ka deklaruar se Ukraina nuk do t’i njohë kurrë territoret e pushtuara si ruse.

“Ne kurrë nuk do t’i njohim këto territore që janë të pushtuara përkohësisht nga Rusia. Ne nuk mund ta bëjmë këtë.

Zgjedhja e diplomacisë për të rimarrë territoret në vend të mjeteve thjesht ushtarake konsiderohet si një “kompromis” i mirë nga udhëheqësi ukrainas.

“Nëse nuk kemi fuqi për t’i rikthyer këto territore, atëherë jemi gati të flasim për këtë. Jemi gati t’i rimarrim ato në të ardhmen me rrugë diplomatike, jo me armë. Dhe mendoj se ky është një kompromis i mirë për të gjithë, që duhet t’i vendosim këto gjëra tani me dialog dhe me më pak humbje”, deklaroi Zelensky.

Zelensky i bëri këto komente në një intervistë me Axios të transmetuar të premten, pak para se të largohej nga Asambleja e Përgjithshme e OKB-së në Nju Jork. Udhëheqësi ukrainas përsëriti qëndrimin e tij të kahershëm se Kievi nuk do ta njihte kurrë humbjen e territorit ndaj Rusisë.

Ukraina kërkon territoret e Donetskut, Luhanskut, rajonet e Khersonit dhe Zaporozhjes, si dhe gadishullin e Krimesë. Moska ka sinjalizuar vazhdimisht se statusi i territoreve të saj të reja nuk është i negociueshëm dhe i konsideron ato si pjesë integrale të Rusisë.

LEXONI GJITHASHTU:

• Trump urdhëron vendosjen e trupave në Portland:Do përdorim forcën e plotë nëse duhet
• Marrëveshja 90 mld dollarëshe/ Ukraina dorëzon kërkesat për armë te Trump