Trump urdhëron vendosjen e trupave në Portland:Do përdorim forcën e plotë nëse duhet

Presidenti Donald Trump ka urdhëruar vendosjen e trupave amerikane në qytetin e Portlandit, Oregon, duke e cilësuar atë si një qytet “të shkatërruar nga lufta” dhe duke autorizuar përdorimin e “forcës së plotë” në rast se situata e kërkon.

Përmes një postimi në platformën Truth Social, Trump deklaroi: “Po udhëzoj Sekretarin e Luftës, Pete Hegseth, të sigurojë të gjitha trupat e nevojshme për të mbrojtur Portlandin e shkatërruar nga lufta.” Ai shtoi se qëllimi është mbrojtja e “çdo objekti tonë të ICE që ndodhet nën rrethim nga sulmet e Antifas dhe terroristëve të tjerë vendas”.

Megjithëse Trump autorizoi përdorimin e “forcës së plotë”, ai nuk sqaroi nëse do të aktivizohen njësi të Gardës Kombëtare apo forcat e rregullta të ushtrisë. Gjithashtu, mbetet e paqartë se çfarë nënkuptohet konkretisht me “Forcën e Plotë”.

Më herët gjatë javës, ai nënshkroi edhe një urdhër që përcakton zyrtarisht Antifa-n si një organizatë terroriste vendase.

LEXONI GJITHASHTU:

• Kina dhe Rusia mbrojnë Iranin, Këshilli i Sigurimit në OKB hedh poshtë rezolutën
• Zelensky: Ukraina nuk do t’i njohë kurrë territoret e pushtuara si ruse