Nuk i ndaloi policisë, identifikohet 31-vjeçari i armatosur që përplasi 7 makina

Imer Krrashi është 31-vjeçari që përplasi 7 automjete pranë mbikalimit të Saukut duke plagosur në cift bashkëshortësh që udhëtonin me motor.

Ngjarja e rëndë ndodhi pak pas mesditës kur tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit që drejtonte 31-vjeçar, pasi kishin informacion se qarkullonte me armë zjarri.

Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke përplasur disa automjete dhe 1 motomjet.

Si pasojë është dëmtuar drejtuesi dhe pasagjeri në motomjet,  të cilët ndodhen në spital.

Pas ndjekjes u bë ndalimi i automjetit, ku gjatë kontrollit i është gjetur një armë zjarri pistoletë.

Mësohet se të plagosur nga përplasja ka mbetur një punonjës policie, i cili në momentin e aksidentit nuk ndodhej në detyrë dhe bashkëshortja e tij.

Burime nga spitali i Traumës bëjnë me dije se gjendja e tyre paraqitet e stabilizuar.

LEXONI GJITHASHTU:

• PAMJE| Një person i armatosur përplas 7 makina në Sauk, plagosen burrë e grua
• Aksident në Sauk, plagoset mjeku dhe një vajzë, kaos në trafik