PAMJE| Një person i armatosur përplas disa makina në Sauk, plagosen burrë e grua

Një ngjarje e rëndë me pasojë plagosjen e dy personave ka ndodhur të dielën pranë Saukut.

Mësohet se një person nuk i është përgjigjur patrullës së Shqiponjave në zonën e Saukut duke u larguar.

Policia e ka ndjekur dhe gjatë ndjekjes personi ka dëmtuar disa automjete. Për pasojë janë plagosur rëndë 2 shtetas, burrë e grua, të cilët udhëtonin me një motor.

Ai është kapur në zonën e terminalit të autobusëve të juglindjes dhe gjatë kontrollit i është gjetur një armë zjarri.

Përmes një njoftimi policia bëri me dije se rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin Imer Krashi, 31 vjeç, pasi kishin marrë informacion se 31-vjeçari qarkullonte me armë zjarri.

“Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke përplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.

Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë”, bëri me dije policia.

LEXONI GJITHASHTU:

• Sulmi në Mançester, policia qëlloi aksidentalisht një nga viktimat
• Aksident me pasojë vdekjen në afërsi të fshatit Kapshticë në Bilisht