Asgjësohen 4291 bimë narkotike në Shkodër, hetohen kryetarët e 5 fshatrave

Policia e Shkodrës ka asgjesuar 4291 bimë të dyshuara narkotike Cannabis Sativa gjatë kontrolleve të ushtruara në 6 njësi administrave, në vijim të operacionit të koduar “Koordinata”.

Lidhur me këtë veprimtari të jashtëligjshme u referuan materialet në Prokurori ku nisi procedimi në gjendje të lirë për veprën penale “Shpërdorimi i detyrës”, për 5 kryetarë fshatrash.

Policia bëri me dije se gjatë kontrolleve “në territoret e njësive administrative Pult, Ana e Malit, Shosh  dhe Shalë, shërbimet e Komisariatit të Policisë Shkodër gjetën dhe asgjësuan 4107 bimë të dyshuara narkotike Cannabis Sativa. Në vijim të veprimeve procedurale, u referuan materialet në Prokurori ku nisi procedimi në gjendje të lirë për veprën penale “Shpërdorimi i detyrës”, për kryetarin e fshatit Nënmavriq, shtetasin L. L.; kryetarin e fshatit Pecaj, shtetasin D. V,;  për kryetarin e fshatit Gimaj, shtetasin P. Sh.; për kryetarin e fshatit Abat, shtetasin N. M.; për kryetarin e fshatit Lekaj, shtetasin P. S.

-në territorin e njësisë administrative Shkrel, shërbimet e Komisariatit të Policisë Malësi e Madhe gjetën dhe asgjësuan 60 bimë të dyshuara narkotike Cannabis Sativa.

-në territorin e njësisë administrative Temal, shërbimet e Komisariatit të Policisë Vau i Dejës gjetën dhe asgjësuan 124 bimë të dyshuara narkotike cannabis sativa”.

LEXONI GJITHASHTU:

• Rama nxjerr shifrat: Sa studentë do të akomodohen në “Qytetin Studenti” këtë vit
• Nis viti akademik 2025–2026 në të gjitha universitetet në Shqipëri