Zgjedhjet e 9 nëntorit shkojnë në Kolegj, PS ankimon ngërçin e “Rregullatorit”

Partia Socialiste ka ankimuar në Kolegjin Zgjedhor mungesën e vendimmarrjes nga ana e Komisionit Rregullator në KQZ për afatet zgjedhore në procesin e 9 nëntorit. Objekti i padisë është mosmarrja e vendimeve thelbësore që PS i konsideron të domosdoshme për garantimin e një procesi zgjedhor të rregullt dhe të drejtë.

Në Komisionin Rregullator në dy mbledhjet e fundit të zhvilluara të shtunën dhe të hënën ka dështuar kalimi dhe miratimi i akteve që kanë të bëjnë më afatet e regjistrimit të kandidatëve, periudha e fushatës, etj.

Ditën e nesërm, me 8 tetor në orën 09:00, do të hidhet shorti për përzgjedhjen e trupit gjykues që do të shqyrtojë këtë çështje në Kolegjin Zgjedhor, me procedurë urgjente.

Në mbledhjen e fundit të Komisionit Rregullator, dy përfaqësuesit e PD, Helga Vukaj dhe Muharrem Ccakaj kërkuan që vendimmarrja për bashkinë e Tiranës të bëhet veccmas 5 bashkive të tjera, duke qenë se për Tiranën ka një proces ankimor në Gjykatën Kushtetuese.