Zjarri me dy viktima, shefi i MZSH Maliq: Nënë e bir u asfiksuan! Dy pista hetimi

Shefi i MZSH Maliq, Sadik Halili në një lidhje live në emisionin “Review” me moderatoren Greta Topjana ka dhënë detaje të reja lidhur me zjarrin tragjik që u mori jetën dy personave në Maliq. Halili ka bërë me dije se zjarrfikësja është njoftuar me vonesë pasi fqinjët nuk e kanë kuptuar se ka rënë zjarr në banesë pasi dritaret e dyert kanë qenë të mbyllura.

Ai theksoi se distanca ka qene e vogël dhe se pasi janë njoftuar nga policia kanë shkuar në vendin e ngjarjes. Sipas tij kur kanë mbërritur i kanë gjetur të pajetë nënë e bir të cilët humbën jetën nga asfiksia.

Sipas tij deri më tani janë dy pista hetimi, një që shkak i zjarrit ka qenë ndezja e shkrepëseve ose soba e druve.

“I kemi gjetur pas shenja jete, djalin 14-vjecar dhe zonjën e shtëpisë, te asfiksuar nga tymi. Djegiet u konstatuan te fëmija i dyte, kishte djegie në fytyre e në pjesë të ndryshme të trupit.

Te dy fëmijët i kemi gjetur ne oborrin e banesës, nënën e tyre e kemi gjetur ne derën e kuzhinës të asfiksuar nga tymi. Nuk kishte djegie, vdekja erdhi nga asfiksia nga tymi.

Me marrjen e njoftimit ne kemi mbërritur për 2 minuta. Distanca ishte e shkurtër, duke parë djegiet kur kemi arritur ne nuk kishte zjarr kishte mbaruar. Ne kemi bërë evakuimin e fëmijës, të nënës së tyre dhe i përgatitem për spital”, tha ai.

LEXONI GJITHASHTU:

• Zjarri me dy viktima në Maliq, fqinja: Vajzën e shpëtoi një zonjë, kishte shumë tym
• Zjarri në Maliq, fëmija 6-vjeçar në gjendje kritike në QSUT