Kapen me lëndë narkotike dhe thikë në makinë, arrestohen dy persona në Shkodër

Policia e Shkodrës ka kapur në flagrancë dy shtetas, pasi mbanin në makinë lëndë narkotike kanabis dhe një mjet prerës, thikë.

Në pranga ka rënë shtetasit A. Sh., 35 vjeç, banues në fshatin Dragoç, dhe shtetasi S. F., 39 vjeç, banues në Shkodër.

Ndërkohë, policia ka sekuestruar në cilësinë e provës materiale lëndën narkotike, mjetin prerës, automjeti dhe 2 celularë.

Sipas raportimeve, është bërë e ditur se: “Bazuar në të dhënat e siguruara në rrugë operative, kanë ndaluar për kontroll automjetin me të cilin qarkullonin shtetasit A. Sh. dhe S. F. Gjatë kontrollit në automjet dhe kontrollit fizik ndaj tyre, shërbimet e Policisë gjetën dhe sekuestruan një sasi lënde të dyshuar narkotike kanabis, që dyshohet se ata e posedonin me qëllim shitjen në doza, dhe një mjet prerës, thikë”, thuhet në njoftimin e Policisë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme, për veprat penale “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”.

LEXONI GJITHASHTU:

• Shfrytëzonte vajzat kolumbiane për prostitucion, arrestohet 22-vjeçari në Tiranë
• Siguronte lëndë narkotike dhe e shiste, arrestohet 31-vjeçari në Fier