Zbardhet drafti i Komisionit të Posaçëm të Reformës Zgjedhore: Barazi pozitë-opozitë

Euronews Albania ka siguruar draftin e dakordësuar të Komisionit të Reformës Zgjedhore, që përcakton ndarjen e anëtarëve mes shumicës dhe pakicës parlamentare.

Komisioni i Posaçëm do të ngrihet mbi bazën e barazisë pozitë-opozitë ndërsa do të përbëhet nga 16 anëtarë, ku 7 përfaqësojnë Grupin Parlamentar të Partisë Socialiste, 7 përfaqësojnë Grupin Parlamentar të Partisë Demokratike, dhe 2 anëtarë vijnë nga partitë që kanë fituar të paktën dy mandate në zgjedhjet parlamentare të 11 majit 2025.

Komisioni do të drejtohet nga dy bashkëkryetarë, njëri nga Partia Socialiste dhe tjetri nga Partia Demokratike.

Objekti i veprimtarisë së Komisionit të Posaçëm përfshin:

a) Hartimin e ndryshimeve legjislative për reformën zgjedhore;
b) Trajtimin e rekomandimeve në raportet e OSBE/ODIHR-it për zgjedhjet vendore të 14 majit 2023, për zgjedhjet parlamentare të 11 majit 2025, si dhe të zgjedhjeve të mëparshme të pa trajtuara;
c) Trajtimin e rekomandimeve të institucioneve përgjegjëse për zgjedhjet, të partive politike parlamentare dhe organizatave jofitimprurëse;
ç) Hartimin e një ligji për financimin e partive politike.

LEXONI GJITHASHTU:

• Reforma zgjedhore, PS-PD pranë akordit për përbërjen e komisionit të posaçëm
• Propozimet e PD për komisionet e reformës territoriale dhe zgjedhore