Stabilizim-Asocimi, Shqipëri-BE, Gonzato: Ruani integritetin e sistemit gjyqësor

Ambasadori i Bashkimit Europian në Shqipëri, Silvio Gonzato, gjatë fjalës së tij në mbledhjen e Komitetit Parlamentar të Stabilizim-Asocimit BE–Shqipëri, vuri theksin te rëndësia e forcimit të sistemit të drejtësisë në procesin e integrimit europian.

“Duhet ruajtur llogaridhënia dhe integriteti i sistemit gjyqësor. Institucionet e pavarura të drejtësisë duhet të përditësojnë procedurat e brendshme dhe të marrin masa që të kenë burime të nevojshme”, deklaroi Gonzato.

Ai shtoi se në fushën e parandalimit të korrupsionit, masat duhet të përfshijnë “verifikimin e deklaratave të pasurisë”, si dhe rishikimin e Kodit Penal, “duke përfshirë edhe kriminalizimin e shpifjes.”

Sipas tij, për zbatimin e qëndrueshëm të reformave, Shqipëria duhet të investojë në institucione të forta që të sjellin rezultate konkrete për qytetarët.

LEXONI GJITHASHTU:

• 4.7 mln euro mashtrime me Call Center, GJKKO jep dënimin për grupin e Bruno Çobos
• Program unik për mijëra artistë në Irlandë, 1500 euro në muaj mbështetje financiare