Kanosi me armë policin, arrestohet 46-vjeçari në Durrës, po drejtonte mjetin i dehur

Një 46-vjeçar është vënë në pranga nga policia në Durrës. Arrestimi i tij ka ardhur pasi 46-vjeçari ka kanosur me armë një polic në fshatin Katund Sukth.

Sipas policisë i arrestuari ka zbritur nga mjeti dhe me armën e tij pa leje ka kanosur specialistin e Policisë së zonës. Gjithashtu ai po drejtonte mjetin në gjendje të dehur.

“Durrës/ Kanosi me armë, specialistin e Policisë së zonës, arrestohet 46-vjeçari. Sekuestrohen arma sportive (pistoletë) dhe automjeti që drejtonte ky shtetas, në gjendje të dehur.

Pas njoftimit të një specialisti të Seksionit të Policimit në Komunitet të Komisariatit të Policisë Durrës, se në fshatin Katund Sukth, ishte kanosur me armë, shërbimet e Patrullës së Përgjithshme të Komisariatit të Policisë Durrës, të planëzuar me shërbim për monitorimin e kësaj zone, kanë shkuar menjëherë në vendngjarje, ku kanë mundësuar arrestimin e autorit, shtetasit L. Sh., 46 vjeç, banues në fshatin Katund Sukth.

Nga hetimet e deritanishme, dyshohet se 46-vjeçari ka zbritur nga automjeti, sapo ka parë SPZ-në e zonës, me shërbim, dhe e ka kanosur atë, me armën sportive që mbante pa leje. Nga verifikimet e mëtejshme, rezultoi se shtetasi L. Sh. e drejtonte automjetin ku mbante armën, në gjendje të dehur. Materialet procedurale iu referuan Prokurorisë së Durrësit, për veprime të mëtejshme”, njofton policia.

LEXONI GJITHASJHTU:

• Shembja e ndërtesës në Turqi, nxirren nga rrënojat trupat e pajetë të dy fëmijëve
• E reja denoncon në polici motrën e zhdukur prej 8 ditësh, policia nis kërkimet