Dyshohet se dhunuan një qytetar, ndalohen vëllai i deputetit dhe dy persona të tjerë

Policia e Devollit ka shoqëruar në komisariat tre persona, të identifikuar si Alti Nallbati (vëllai i deputetit Bledion Nallbati), Marsel Buci dhe Trajan Çeliku, pasi dyshohet se gjatë një sherri kanë dhunuar shtetasin Ilir Topçiu në fshatin Vishocicë, i cili ndodhej me masë arresti shtëpie.

Policia e Devollit vijon kontrollet dhe hetimet për mbledhjen e provave dhe sqarimin e plotë të ngjarjes.

Jashtë kamerave, banorë dhe të afërm të Ilir Topçiut shprehen se ngjarja ka ndodhur para 3 ditësh.

Të njëjtët persona tregojnë se kanë qenë 3 persona të cilët e kanë telefonuar Topçiun për të dalë jashtë banesës, duke e çuar në njërën prej banesave të tyre dhe aty e kanë dhunuar ndërsa Topçiu ka denoncuar rastin ditën e sotme.

Ende nuk dihet motivi i kësaj ngjarje ndërsa momentalisht, të tre shtetasit e dyshuar janë shoqëruar në Drejtorinë Vendore të Policisë së Korçës dhe pritet që policia ti arrestojë me iniciativë për akuzën e rrahjes.

Ilir Topçiu jeton vetëm me të ëmën ndërsa ka qenë në masën e sigurisë arrest ne shtëpi pasi është konstatuar duke drejtuar një mjet pa leje drejtimi.

Nuk dihet nëse kjo ngjarje ka lidhje ose jo me një përplasje të mëparshëm, e cila u bë publike edhe përmes një videoje.

Kujtojmë që Alti Nallbati, së bashku me vëllain e tij deputet më 3 maj u konfliktuan në Bilisht me një shofer kamioni.

Deputeti Nallbati u paraqit në SPAK më 27 tetor. Për këtë ngjarje u pranga u vu vëllai i tij, i cili më vonë u la në masën detyrim paraqitje.

LEXONI GJITHASHTU:

• I vëllai dhunoi kamionistin, Nallbati flet nga Gjykata: Inskenim politik
• Deputeti i PD-së Bledion Nallbati paraqitet në SPAK