Jordan Daci për Euronews Albania sqaron përse nuk ka mbrojtur Veliajn në Kushtetuese

Jordan Daci, juristi i njohur dhe njëkohësisht konstiucionalisti ka folur këtë të shtunë në Euronews Albania, për “Review” për Greta Topjana ka sqaruar lajmin se përse nuk ka mbrojtur Erion Veliaj në Kushtetuese.

Daci ka sqaruar situatën gjatë emisionit lidhur me çështjen. Ai theksoi se shkak ka qenë një çështje tjetër me të cilën po punon prej vitesh.

“Normalisht do e kisha bëre me shumë qef nga pikëpamja profesionale, do kisha shkuar me duar ne xhepa nuk do kisha nevojë për shumë materiale me vete. E njoh perfekt si rast dhe si materia e diskutimit, jam shkaktar i një precedenti të mëparshëm në Gjykatën Kushtetuese dhe është çështje skematike dhe e thjesht.

Për shkak të një çështje tjetër që e kam prej vitesh që punoj dhe përfaqësoj njerëz me interesa të kundërt nga zoti Veliaj, kjo ka qenë arsyeja nga pikëpamja etike për tej dëshirës për ta bërë një gjë të tillë, nuk më ka munguar dëshira.

Por qe njerëzit mundohen të gjejnë fjalë përtej asaj që duam të themi. Etika, ndjesia morale qe të jep një pozicionin të tillë, kjo ishte arsye. Të çështja e mëparshme kam më shumë interesa, kam vite që punoj është çështje me profil të lartë dhe është më sfiduese se ajo e Gjykatës Kushtetuese.”, tha ai.

LEXONI GJITHASHTU:

• “Arlindi mund të jenë nesër këtu”, flet Qori: Veliaj të bëhet dëshmitar i drejtësisë
• EMRI/ U plagos me armë zjarri në Selenicë të Vlorës, humb jetën 35-vjeçari