Shembet pjesërisht një kullë pranë Koloseut, plagosen 4 persona (VIDEO)

Një kullë mesjetare në rikonstruksion në Romën qendrore pranë Koloseut u shemb pjesërisht këtë të hënë. Fillimisht nisi rënia e disa tullave e më pas ajo u pasua me shembjen e saj të pjesshme duke ngritur një re pluhuri.

Nga shembja një punëtor po merr ndihmë mjekësore pasi mori lëndime në kokë. Një punëtor tjetër mbeti i bllokuar nën rrënoja. Dy punëtorë të tjerë u plagosën lehtë, por refuzuan të dërgoheshin në spital.

Autoritetet kanë mbyllur qarkullimin në zonë për të lehtësuar operacionin e shpëtimit, i cili po vazhdon me ndihmën e zjarrfikësve dhe automjeteve speciale. Një pronar lokali në Via del Colosseo, i cili ndodhej jashtë dyqanit të tij në kohën e shembjes, tha se dëgjoi një zhurmë shumë të lartë rreth orës 11: 20.

Ai theksoi se më pas panjë re pluhuri që ngrihej dhe një pjesë e kullës duke u shembur.
Autoritetet po hetojnë shkaqet e shembjes, ndërsa Prokuroria Publike e Romës ka hapur një hetim për incidentin.

Crolla parte della Torre dei Conti ai Fori, grave un operaio. L’edificio nel centro della capitale era in ristrutturazione #ANSA https://t.co/9Itj9O7lVd pic.twitter.com/egmdIWg75U

— Agenzia ANSA (@Agenzia_Ansa) November 3, 2025

LEXONI GJITHASHTU:

• Transportonte emigrantë të paligjshëm drejt BE-së, arrestohet 26-vjeçari në Tiranë
• Ndërtimet pa leje, Koçiu: Askush s’është mbi ligjin, kujdes dokumentet e pronësisë