Pjesëmarrje e ulët në Vlorë, komisioneri: Presim orën 12:00, se zgjohen një çik vonë

Në 5 bashki të vendit, Vlorë, Tepelenë, Berat, Mat dhe Cërrik po mbahen të dielën zgjedhjet e pjesshme vendore për të zgjedhur të parin e qytetit.

Megjithëse kanë kaluar dy orë nga nisja e procesit të votimit në shumë qendra në Vlorë pjesëmarrja e votuesve ka qenë shumë e ulët. Shumica e kutive të votimit janë bosh ndërsa interesi për të hedhur votën për kryebashkiakun e ri duket tepër e ulët.

Gazetarja e Euronews Albania Enkelejda Mema ishte në një qendër votimi në qytetin e Vlorës ku pyeti komisionerët lidhur me pjesëmarrjen e qytetarëve .

Përfaqësuesi i mazhorancës tha se pjesëmarrja ishte normale megjithëse deri në orën 09:00 kishin votuar 25 veta, ndërsa shtoi se rreth orës 12:00 prisnin të kishin fluksin e votuesve.

“Pjesëmarrja ka qenë normale, kjo është lagje e vjetër e Vlorës. Si ditë e diel, ditë pushimi dhe koha me shi, presim më shumë pjesëmarrje në orët në vijim. Presim orën 12:00 që të ketë fluks se është edhe një zonë që ngrihen një cik…”, tha ai.

LEXONI GJITHASHTU:

• Zgjedhjet e 9 nëntorit, mbërrijnë materialet e fundit zgjedhore në Vlorë
• Mbërrijnë materialet zgjedhore në Cërrik për zgjedhjet e 9 nëntorit