Dikur e pazëvendësueshme në çdo vakt, buka hiqet nga tryezat spanjolle

Në fillim të viteve 1960, çdo spanjoll konsumonte 134 kilogramë bukë në vit, sot kjo sasi ka rënë në 28 kilogramë në vit, një rënie prej 80%.

Të rinjtë e kanë zëvendësuar këtë ushqim tradicional me burime të tjera karbohidratesh si pica ose pasta, dhe e lidhin bukën drejtpërdrejt me mbipeshën dhe intolerancat ushqimore.

Blerja e përditshme e bukës, dikur një ritual, është bërë gjithnjë e më e rrallë.

Një nga faktorët më ndikues në këtë rënie është perceptimi i gabuar mbi vetitë ushqimore të bukës.

Ky besim është bërë kaq i përhapur sa 29.2% e spanjollëve ndjekin një dietë pa bukë, ndërsa 24% nuk e konsiderojnë të nevojshme për një dietë të balancuar.

Ekziston një segment në rritje i konsumatorëve  që zgjedhin bukë cilësore, integrale.

Sfida qëndron në rikthimin e kulturës së bukës së mirë në një shoqëri që ka ndryshuar rrënjësisht marrëdhënien e saj me ushqimin tradicional.

Rënia e konsumit të bukës në Spanjë është reflektim i një transformimi të thellë shoqëror: ndryshime në modelet e të ushqyerit, mite ushqimore të qëndrueshme, stile të reja jetese dhe humbje e kulturës tradicionale gastronomike në kontekstin e modernizimit.

Buka jo vetëm po zhduket nga tryezat tona; me të zhduket edhe një mënyrë e të kuptuarit të ushqimit dhe bashkëjetesës që ka përcaktuar Spanjën për shekuj me rradhë.