“Tre vrasje në një ditë”, ministrja Koçiu komenton ngjarjet në Komisionin e Ligjeve

Këtë të martë Ministrja e Brendshme Albana Koçiu ka qenë e pranishme në Komisionin e Ligjeve për të raportuar mbi sigurinë në publike në vend.

Pas fjalës së saj Koçiu i është përgjigjur disa pyetjeve të deputetëve, anëtarë të Komisionit. Midis të tjerash Koçiu është përgjigjur për rastin e pak javëve më parë, ku në një ditë vendi u përfshi nga tre vrasje të ndodhura.

“Historia e vrasjeve të ndodhura në një ditë, që kanë ndodhur tre vrasje në ditë. Për hir të së vërtetës janë tre krime, tre histori tragjike. Nuk mendoj që janë vrasje mafioze. Për fat të keq janë ngjarje të pashmangshme, nga puna që bën përditë policia e shtetit. Unë nuk besoj se ka ndonjë vend të botës ku polici rri në kuzhinë për të parandaluar që djali të godasë babain em thikën e bukës apo në një vend të botës ku polici rri në kuzhinë për të parandaluar vrasjen. Janë ngjarje të rëndë.” -tha Koçiu.

LEXONI GJITHASHTU:

• Ndërtimet pa leje, Koçiu: Askush s’është mbi ligjin, kujdes dokumentet e pronësisë
• Koçiu: Pezullimi i monopatinave elektrike, masë për sigurinë e qytetarëve