“Dibranët më mbajnë si vëllain e tyre”, dy afrikanët tregojnë jetën në Shqipëri

Pas intervistës së tyre në Euronews Albania, e cila u bë virale në rrjete, Dauda nga Nigeria, student, dhe Donald nga Kameruni, ekspert biznesi, ishin të ftuar në studion e “Now” me Ilir Kazaferin, për të ndarë përvojat e tyre lidhur me jetën në Shqipëri.

Të dy, Dauda dhe Donald, thonë se ende nuk e kanë marrë pasaportën shqiptare, por shprehen optimistë:

“Puna e letrave është pak e vështirë por kemi besim se do të rregullohet kjo pjesë që ti marrim më shpejt”, thotë Donald.

Donald gjithashtu tregon se fëmijët e tij janë në Afrikë, ndërsa ëndrra e tyre është të krijojnë një urë mes Afrikës dhe Shqipërisë ndërsa thekson se shqiptarët janë shumë luftarakë dhe ai mbetet i impresionuar nga patriotizmi i madh që kanë.

Donald thotë se ka lidhje të forta me Dibrën.

“Jam një malok i rritur në fushë. Kam shumë shokë nga Dibra dhe kam shkuar shpesh atje. Dibranët më mbajnë si ‘vëllain’ e tyre”, thotë ai ndërsa shton se i pëlqen natyra dhe klima e Dibrës.

Dauda tregon se preferon Tiranën, pasi qyteti ka shumë turistë dhe i duket vend social dhe miqësor.

Ai gjithashtu shprehet se i pëlqen shumë ushqimi shqiptar: pilafi me tasqebap është shumë i shijshëm për të, ndërsa për ëmbëlsira preferon trileçe dhe sheqerpare.

LEXONI GJITHASHTU:

• Dy afrikanë që e quajnë veten dibranë, historia e Donaldit dhe Daudës në Shqipëri
• Ukraina publikon shifrat e afrikanëve të rekrutuar nga Rusia, si joshen me premtime