Dhunuan dy persona për t’u marrë paratë e dhëna me fajde, pranga autorëve në Elbasan

Policia e Elbasanit ka arrestuar dy shtetas pasi dyshohet se jepnin para me fajde dhe kanë dhunuar fizikisht dhe kanë kanosur 2 persona, babë e bir, që t’iu kthenin shumën e parave të dhënë me fajde.

Në kuadër të operacionit të koduar “Threat” janë arrestuar P. G., 21 vjeç, dhe D. S., 23 vjeç, të dy me precedent penal në fushën e narkotikëve, armëmbajtjes pa leje dhe krimeve kundër personit.

Ndërkohë, janë sekuestruar në cilësinë e provës materiale, 1 automjet dhe 3 celularë.

Materialet procedurale i kaluan Prokurorisë, për veprime të mëtejshme, për veprën penale “Shtrëngimi me anë të kanosjes ose dhunës për dhënien e pasurisë”, kryer në bashkëpunim  dhe “Ushtrimi pa licencë i veprimtarisë bankare”.

LEXONI GJITHASHTU:

• Pas bllokimit të 50 tonëve misër, AKU Elbasan nis kontrolle në gjithë qarkun
• Shkaktoi aksidentin në gjendje të dehur, AMP arreston policin e Komisariatit 5