Grupi i pengjeve të liruara nga Gaza në Uashingtonin, pritet të takojnë Trump-in

Një grup ish-robërish nga Gaza kanë mbërritur në kryeqytetin amerikan për një sërë takimesh zyrtare me anëtarë të Kongresit të SHBA-së dhe me Presidentin amerikan Donald Trump. Vizita është bërë e ditur përmes një njoftimi të përbashkët nga Zyra e Kryeministrit të Izraelit dhe Ambasada Izraelite në Uashington.

Grupi i pengjeve të liruara pritet të mirëpritet nga Lobi për Kthimin e të Rrëmbyerve dhe të Robërve, si dhe nga përfaqësues të Kongresit, përfshirë French Hill nga Arkansas dhe Haley Stevens nga Michigan.

Të enjten, delegacioni do të zhvillojë një takim në Shtëpinë e Bardhë me Presidentin Trump, ku pritet të diskutohet situata e sigurisë, procesi i lirimit të pengjeve dhe bashkëpunimi i mëtejshëm mes SHBA-së dhe Izraelit.

Më vonë gjatë ditës, ish-të rrëmbyerit do të marrin pjesë në një aktivitet në Ambasadën Izraelite, ku do të takohen me organizata hebraike, si dhe me oficerë dhe ushtarë të Forcave të Mbrojtjes së Izraelit (IDF). Vizita synon të rrisë ndërgjegjësimin ndërkombëtar mbi çështjen e pengjeve dhe të forcojë mbështetjen diplomatike.