Situata nga moti në Gjirokastër, prezencë e lartë uji në disa akse

Gjatë natës ka pasur reshje shiu deri në intensitet të lartë të cilat kanë shkaktuar prezencë të ujit  dhe inerteve në akset rrugore, Kardhiq-Delvinë, pranë tunelit të Skërficës, aksi rrugor Tepelenë- Gjirokastër, pranë vendit të quajtur Shkalla e Zezë dhe  aksi rrugor Gjirokastër- Kakavijë përball fshatit Bularat.

Firmat kontraktore  kanë punuar dhe këto akse janë të qarkullueshme. Policia rrugore ka vendosur sinjalistika për drejtimin e automjrteve aty ku ka prezencë të ujit.

Niveli i Vjosës në orën 06.30 në urën e Memaliaj ka qenë 6.2 metër kurse në urën e Përmetit ka qenë 4.4 metër.

Nga njësitë vendore deri në tani nuk janë raportuar problematika.

Informacion ne lidhje me furnizimin me energji elektrike:

Në Bashkinë Memaliaj, përcjellësat e fiderave Miniera 1 dhe Maricaj vazhdojnë në të jenë në kontakt  me rrjedhën e lumit Vjosë, si pasojë është i pamundur energjizimi i zonës.

Në Bashkinë Gjirokastër i stakuar është fideri Radio (Kordhocë), është i pamundur kontrolli i linjës në fushën e Kordhocës pasi ka rrezik për punonjësit.