Berisha: Zgjedhjet u vodhën, dorëheqja nga drejtimi i PD do i shërbente qeverisë

Kryetari i Partisë Demokratike, Sali Berisha, në një bashkëbisedim me qytetarët në rrjetin e tij social, tha se Partia Demokratike është një parti e cila përcakton fatin e drejtuesve dhe anëtarëve të saj nëpërmjet votës.

Sipas tij, në kushtet e një pluralizmi funksional nuk ka asnjë dyshim që humbja e zgjedhjeve është kriteri më i shëndoshë për dorëheqjen e atyre që drejtojnë.

“Por në kushtet e farsës elektorale dhe narkoshetit, në kushtet kur zgjedhje janë farsë dhe jo zgjedhje normale, një akt i tillë do ti shërbente diktatorit dhe atyre që shtypin pluralizmin. Një akt i tillë nuk mund të ndodhë, përveç se me votën e demokratëve shqiptarë. Ndaj unë Marsel të ftojë të përdorësh votën tënde sipas vullnetit që ke, ose të marrësh pjesë në të gjithë garat e kësaj partie. Pra, edhe njëherë në kushtet e diktaturave autoritare, qëndrimi në opozitë është një mision dhe largimi nga misioni bëhet vetëm nëpërmjet votës”, u shpreh Berisha ndaj një pyetjeje të bërë nga një komentues.

LEXONI GJITHASHTU:

• Berisha: Kandidatët e Primareve i kam takuar ose telefonuar, nuk ka të përjashtuar
• Berisha paralajmëron: Foltoret si ajo para Kryeministrisë do zhvillohen në çdo qytet