Policia Rrugore monitorim intensiv në kryeqytet, vihen 3787 masa administrative

Policia rrugore e Tiranës  ka zhvilluar monitorime intensive në 48 orët e fundit për të parandaluar aksidentet rrugore si dhe menaxhimin e trafikut, kryesisht në Unazën e Madhe të kryeqytetit.

Sipas Policisë Rrugore, si rezultat i monitorimit gjatë 2 ditëve, janë vënë:

3787 masa administrative, për shkelje të evidentuara në të gjithë qarkun, si: tejkalim i shpejtësisë, parakalim i gabuar, përdorim i celularit gjatë drejtimit të mjetit, mosvendosje e rripit të sigurimit, mospajisje me dokumentacion të nevojshëm për të lëvizur me automjet, etj;

-163 masa administrative, për drejtuesit që duke mos respektuar radhën e lëvizjes, krijuan kaos në trafik dhe kryen/nxitën manovra të rrezikshme për përdoruesit e rrugës.

Policia Rrugore apelon për zbatim rigoroz të rregullave të qarkullimit, respektim të radhës dhe shmangie të çdo manovre të rrezikshme.