Studimi: Tatuazhet mund të ndikojnë në mënyrën si reagon sistemi imunitar

Thujase 40% e të rriturve nën 40 vjeç në Europë kanë tatuazhe në trup, pa e ditur se ato mund të ndikojnë në mënyrën se si reagon sistemin imunitar.

Dyshimet kanë lindur nga një studim i kryer nga Instituti për Kërkime në Biomedicinë në Zvicër që kanë analizuar toksicitetin e bojërave të tatuazheve, sidomos të pigmentëve më të përdorur, sic është e zeza e kuqja dhe jeshilja.

Studiuesit kanë zbuluar se boja e tatuazhit nuk mbetet vetëm në lëkurë, por qarkullon në trup dhe grumbullohet në sistemin imunitar për vite me radhë. Pigmentet që makrofagët nuk arrijnë t’i tresin shkaktojnë inflamacion dhe mund të dobësojnë mbrojtjen e trupit. Efekti u pa më i fortë te ngjyrat e kuqe dhe të zeza.

Në testet me minj, studiuesit zbuluan se pigmentet udhëtonin shpejt drejt nyjeve limfatike dhe qëndronin aty për dy muaj. Interesante është se tatuazhet dobësuan reagimin imunitar ndaj vaksinës së COVID-19, por rritën përgjigjen ndaj një vaksine të gripit të çaktivizuar me UV. Megjithatë, shkencëtarët paralajmërojnë se këto gjetje duhen konfirmuar tek njerëzit.

Agjencia Ndërkombëtare për Kërkime mbi Kancerin po shqyrton gjithashtu lidhjet e mundshme midis tatuazheve, reagimit imunitar dhe rreziqeve afatgjata, përfshirë limfomat.

LEXONI GJITHASHTU:

• Dëmtuan vitrinën e Xhevahireve të Kurorës në Londër, arrestohen 4 persona
• Pronar i një magazine të mbushur me fishekzjarre, vihet në pranga 24-vjeçari