Ka nisur këtë të enjte seanca e fundit e përzgjedhjes së kandidatëve për drejtuesin e ri të SPAK. Në garë janë katër kandidatë: Adnand Xholi, i cili është i pari që po jep intervistën përpara anëtarëve të KLP-së, si dhe prokurorët Doloreza Musabelliu, Elvin Gokaj dhe Klodian Braho.
Siç shihet edhe në foto, pjesë e procesit janë duke e ndjekur nga afër përfaqësues të trupit diplomatik në Shqipëri, mes tyre e ngarkuara me punë e Ambasadës së SHBA-së, Nancy Van Horn, dhe ambasadori i BE-së, Silvio Gonzato.
