Endri Shabani zgjidhet Avokat i Popullit me 85 vota pro, opozita braktis votimin

Parlamenti votoi të enjten në mbrëmje Endri Shabanin si Avokat të Popullit. Ai mori 85 vota pro të deputetëve të Partisë Socialiste dhe Partisë Socialdemokrate dhe tre kundër.

Partia Demokratike dhe Partia Mundësia nuk morën pjesë në votim.

Në votim morën pjesë deputeti i Lëvizjes Bashkë, Redi Muçi, deputetja e Shqipëria Bëhet Ana Dajko dhe deputeti i PD, Artan Luku. 
I pranishëm në seancë gjatë votimit ishte edhe Kryeministri Edi Rama.

Para procesit të votimit, opozita kundërshtoi ashpër procedurën e ndjekur, duke deklaruar se kishte tërhequr firmat mbështetëse për kandidaturat për Avokat të Popullit dhe se Endri Shabani nuk ishte kandaturë e mbështetur nga PD. Pavarësisht kësaj, mazhoranca vijoi me procesin duke kaluar në votim kandidaturat.

Shabani pritet të bëjë betimin javën e ardhshme në Parlament, përpara se të nisë zyrtarisht detyrën në krye të institucionit të Avokatit të Popullit.

VOTIMI PËR KANDIDATËT PËR AVOKAT TË POPULLIT:

Endri Shabani- 85 pro, 3 kundër

Tartar Bazaj- 1 pro, 79 abstenim, 7 kundër
Aranita Brahaj- 4 pro, 76 abstenim, 7 kundër
Skënder Haluci- 1 pro, 72 abstenim, 14 kundër
Adriana Kalaja- 0 pro, 69 kundër, 17 abstenim
Besim Ndregjoni- 0 pro, 61 abstenim, 25 kundër

85 vota pro, Endri Shabani zgjidhet Avokati i Popullit! Duartroket mazhoranca pic.twitter.com/x6K8p3g3Xi

— Euronews Albania (@EuronewsAlbania) December 12, 2025

LEXONI GJITHASHTU:

• U zgjodh me 85 vota “Avokat i Popullit”, vjen reagimi i parë i Endri Shabanit
• Kush votoi ‘pro’ dhe ‘kundër’ Endri Shabanit për Avokat të Popullit