Protesta në Shkup, Ahmeti: Europë, Amerikë dhe NATO faleminderit që përkrahët UÇK

Kreu i BDI-së, Ali Ahmeti u është bashkuar protestuesve në tubimit e mbajtur sot në Shkup në përkrahje të ish-krerëve të UÇK-së që po gjykohen në Hagë. Gjatë fjalës së tij Ahmeti  shprehu mirënjohje për mbështetjen e SHBA, Europës e NATO-s.

“Jemi mbledhur sot këtu, afër Hasan Prishtinës, Pjetër Bogdanit, Nexhat Agollit, për të treguar se Hasan Prishtina u vra pikërisht për liri të kombit të vet. Pjetër Bogdani i dha dije e filozofi Europës. Nexhat Agolli, regjimi e pushkatoi si ministër vetëm se kërkoi liri drejtësi e barazi për popullin e tij.

Tani sot ne nuk themi që Europa na kishte borxh, por themi Europë, Amerikë. NATO faleminderit që filozofinë e veprimtarinë e njerëzve më të mëdhenj të kombit tonë na i shpërblyet në përkrahje të UÇK dhe ndërprerje të gjenocidi të mëtej të shqiptarëve të Kosovës.

I jemi mirënjohës zv.sekretarit të Shetit, James Rubin, si dhe ambasadorit që punoi shumë në rajon për paqe e stabilitet, Christopher Hill. Nga ky shesh i drejtohemi edhe Europës. Unë i takoj asaj Lëvizje që kërkonte liri e drejtësi për shqiptarët. Shpërblimi ishte vrasje, tortura e gjakosje, njollosje të lëvizjes së rinisë studentore të shqiptarëve nga regjimi i Beogradit”, tha ai.

LEXONI GJITHASHTU:

• Sekuestrohen 4.6 kg kokainë në Kosovë, arrestohen dy shtetas shqiptarë
• Pengmarrja në Vlorë, mbrojtja e autorëve ndan pamjet e drekës: U keqinterpretua