Përkeqësimi i motit në Vlorë, ndalohet lundrimi për mjetet e vogla në këto data

Mbrëmja e kësaj të mërkure ka sjell përkeqësim të kushteve të motit për qytetin e Vlorës. Përkeqësimi i gjendjes hidrometeorologjike në Gjirin e Vlorës ka sjellë gjithashtu masa kufizuese për lundrimin.

Si rezultat, është ndaluar dalja në det të hapur për mjetet e vogla lundruese dhe ato të peshkimit deri në orën 06:00 të datës 27 mars. Autoritetet kërkojnë nga subjektet detare të marrin masa për sigurimin e mjeteve dhe rritjen e gatishmërisë.

Ndërkohë, anija e linjës Vlorë-Brindisi ka anuluar lundrimin për datën 26 mars, ndërsa transporti ndërkombëtar detar vijon normalisht.

Përmirësimi i kushteve atmosferike pritet pas orës 06:00 të datës 27 mars.