Rama: Procesi drejt BE-së është historik, transformon shtetin shqiptar

Kryeministri Edi Rama gjatë fjalës së tij në konferencë me negociatorët për rrugëtimin e Shqipërisë në BE u shpreh se procesi ka ngarkesë. Sipas tij procesi është historik dhe transformon shtetin shqiptar.

“Ky proces rrit në mënyrë thelbësore kapacitet institucionale të shtetit. Procesi ka dobi të jashtëzakonshme edhe është i pazëvendësueshëm. Tendenca e përgjithshme ështe se shihet në mënyrë të sipërfaqshme.

Ky proces është historik se transformon shtetin shqiptar, për rritjen e kapaciteteve institucionale, sjell rritje të rendit ligjor. Më tutje patjetër ky proces konsolidon instucione të drejtësisë të cilat kanë kaluar në një fazë tjetër dhe kanë pavarësinë që nuk e kanë pasur kurrë.

Duhet të rritet profesionalizmi i tyre, duhet të rrisin cilësinë e shërbimeve të tyre. Ky proces siguron luftën kundër korrupsionit. Për të parandaluar korrupsionin dhe veprimtaritë që zhvillohen në hapësira gri”, tha ai ndër të tjera.