Përfshihet nga flakët një banesë në Pogradec, zjarrfikësit në vendngjarje

Një banesë është përfshirë nga flakët pak momente më parë në fshatin Buçimas në Pogradec. Zjarri ka ardhur nga një magazinë me dërrasa ngjitur me banesën ku dyshohet të ketë ndodhur një masë elektrike.

Mbërritja në kohë e zjarrfikësve ka bërë që vatra të izolohet dhe banesa të mos digjet plotësisht. Ndërkohë është shpëtuar nga flakët edhe një banesë që është ngjitur me objektin në flakë.

Në zonë kanë mbërrtur edhe forcat e policisë bashkë me grupin e emergjencave për të bërë vlerësimin e dëmeve dhe nisjen sa më shpejt të rikonstruksion.

Në banesë jetojnë nëna me 3 vajzat e saj. Dy prej të cilave janë me probleme të rënda të shëndetit mendor. Fatmirësisht ato kanë arritur të dalin nga banesa pa u dëmtuar, ndërsa gjendja e tyre ekomomike është shumë e rëndë.